Këtë të shtunë ka ndërruar jetë ish ushtari i Ushtrisë Çlirimtare të Kosovës Lutfi Limani-Luta.
Lajmin e kanë bërë të ditur bashkëluftëtarët e tij nëpërmjet rrjeteve sociale.
Lutfi Limani ishte ndër luftëtarët e dalluar të UÇK-së, i cili shquhej për guximin dhe trimërinë ndër beteja. Ai ishte njeri i dashur dhe i shoqërueshëm për të gjithë ata që e kanë njohur dhe kanë pasur fatin që të ndajnë të njëjtën rrugë me të, atë të lirisë së mëmëdheut.
Çlirimtarit Lutfi Limani-Luta i qoftë e lehtë mbi varr lëndina!
“Lamtumirë Lutë! Ata që e bartên barrên më të madhe të lirisë dhe që e deshtën lirinë më Shumë se gjithçka tjetër, ditë për ditë po ikin e po lanë Kosovën pa ia shiju si duhet lirinë e plotë. Lutfi Limani- Luta, na paska lan sot edhe na paska merzitë të gjithë neve qe na la kujtime të paharrueshme. I dashur, i shoqrushem, trim e i pakursyer per shoqni e atdhe ka qen gjithmonë Luta po e veqanta e tijë ka qen humori e pozitiviteti qe gjithmonë e ka sjell ne mesin e njerzve që e kan rrethu. Zoti e bekoftë dhe e shpêrbleftë ashtu si e meriton Luta!!!”, ka shkruar njëri nga bashkëluftëtarët e tij.