Sali Berisha gjatë ditës së nesërme do të zhvilloj një protestë para selisë së PD-së kundër Lulzim Bashës.
Situata brenda subjektit më të madh opozitar në Shqipëri duket shumë e tensionuar dhe opinionistë e gazetarë kanë ngritur alarmin se mund të ketë dhunë nga njëra ose pala tjetër.
Gazetari dhe njohësi i sigurisë në Shqipëri, Artan Hoxha në një lidhje në “Direkt”, në ATV ka bërë të ditur se Basha do të mbrohet nga katër pjesëtar të Gardës Kombëtare.
“ Detyra e Gardës Kombëtare nuk është të mbroj godinën, është të mbroj Lulzim Bashën. Në qoftë se ata konsistojnë se ka rrezik për jetën e kreut të opozitës, ata nuk kanë nevojë më t’i marrin leje por mund ta marrin forcërisht atë, ta largojnë nga godina përmes një plani evakuimi që e kanë bërë më parë”, tha Artan Hoxha në “Direkt” në ATV.
Hoxha ka sqaruar planin e evakuimit të Lulzim Bashës nëse ky i fundit do të sulmohet nga përkrahësit e Berishës.
“Ngjitur me ndërtesën e selisë së PD-së është ndërtesa e Kuvendit të Shqipërisë, e cila është një ndërtesë e rëndësisë së veçantë dhe ruhet nga Garda e Republikës 24 orë. Garda e ka shumë të lehtë ta depërtoj nga Selia e PD-së përmes një dalje të mbrapme dhe ta dërgoj në korridoret e Parlamentit dhe nga aty pastaj është e vështirë t’i rrezikohet jeta personalisht Lulzim Bashës”, tha ndër të tjerash gazetari shqiptar.
Kujtojmë se në kohën kur Sali Berisha dhe përkrahësit e tij do të protestojnë, Basha do të mbaj mbledhje me deputetët e PD-së brenda selisë së partisë.