Aktorit me famë botërore, Will Smith iu dhanë kohë dy javë për të apeluar te akademia që t’i falet veprimi që e kishte bërë në ceremoninë e Oscars.
Aktori e kishte goditur me shuplakë komedianin Chris Rock pasi nuk i kishte pëlqyer një shaka e këtij të fundit drejtuar bashkëshortes së tij.
Raportohet që Smith do t’i telefonojë shefat e Oscar në 24 orët e ardhshme për ta mbrojtur çështjen e tij.
“Gjërat janë as andej, as këndej. Ai do ta shkruajë një letër zyrtare të kërkim-faljes, dhe efektivisht do të lutet për faljen e tyre”, ka thënë një burim i afërt i Smithit për The Sun.
“18 prilli është Dita D, andaj ai do ta kuptojë nëse ende e ka një Oscar, apo një karrierë”.
Por Will Smith po ashtu ka jepur dorëheqje nga Akademia pas shuplakës.
Sipas Variety, Will potencialisht po përballej me përjashtimin nga Akademia për veprimet e tij në natën e Oskarit të dielën e kaluar. Në vend të kësaj, ai ka zgjedhur të japë dorëheqjen.
Një ditë pas incidentit, Will i kërkoi një falje formale Chris-it për mediat sociale, duke shkruar se “nuk isha vetëvetje dhe gabova”.