Një stuhi e madhe e ndjekur nga bubullima, shi dhe breshër ka goditur zonën e Bjelashnica në Bosnjë dhe Hercegovinë të dielën pasdite.
Sipas mediave boshnjake, videoja e postuar nga një qytetar i Sarajevës në Facebook tregon një sasi të madhe akulli në seksionin e rrugës Bjelashnica-Krupac.
Dhe siç kanë komentuar mediat atje, skenat nga Bjelashnica janë joreale, sikur të ishte janari.
“Regjistrimi është nga ora 14.15. Ishte e tmerrshme dhe ky është një regjistrim pas stuhisë. Stuhia dhe reshjet zgjatën për rreth 20 minuta”, ka thënë një lexuese për portalin Radiosarajevo.ba, regjistrimin e së cilës e kanë publikuar mediat atje.
Lidhur me këtë ngjarje ka shkruar edhe mediumi tjetër boshnjak Slobodna-bosna.ba.
Nevrijeme na Bjelašnici pic.twitter.com/PMTF3dUf9M
— Bosna2020 (@bosna2020) July 11, 2021