Kryeministri i Kosovës Albin Kurti bashkë me ministrin e Shëndetësisë, Rifat Latifi, sot pritet të dalin në konferencë për media ku do japin detaje rreth zbutjes së masave, dhe atyre të reja që pritet të hynë në fuqi.
Kjo është bërë e ditur nga një njoftim nga zyra e kryeministrit, ku u tha se konferenca pritet të filloj nga ora 17:00.
Masat e fundit ishin vendosur para dy javësh, derisa u vendos ora policore që fillonte nga ora 22:00.
Kurse në masat e reja pritet që ora policore të filloj nga ora 00:00 deri në ora 05:00, ndërsa gastronomia do të punojë deri në orën 23:00.
Ndërsa, të gjithë ata që do të hyjnë në Kosovë duhet të dëshmojnë se kanë marrë dy doza të vaksinës.
Ata që kanë një dozë të vaksinës, duhet ta kenë edhe testin PCR.
Po ashtu, maska pritet të hiqet në ambientet e jashtme dhe fitneset të hapen.
Latifi bëri thirrje që çdo veprimtari, së cilës i janë lehtësuar masat, duhet që të pranojnë vetëm ata qytetarë që kanë dy doza të vaksinës.