Sekretari i përgjithshëm i NATO’s Jens Stoltenberg pas bisedës me Kryeministrin e Kosovës Avdullah Hoti, ka thënë se e mirëpret përparimin në dialogun Beograd-Prishtinë të sponsorizuar nga BE’ja.
Stolenberg ka thënë se ky dialog i sponsorizuar nga BE’ja është mënyra e vetme për të arritur një zgjidhje politike mes dy vendeve.
Ai me këtë rast tha se është diskutuar për rëndësinë e pranisë së misionit KFOR në ruajtjen e sigurisë dhe luftimin e COVID-19 në Kosovë.
“Fola me Avdullahun në lidhje me rëndësinë e NATO dhe KFOR’it, në ruajtjen e sigurisë, dhe luftimin e Covid-19 në Kosovë. E mirëpres përparimin në dialogun Beograd-Prishtinë të sponsorizuar nga BE’ja si mënyra e vetme për të arritur një zgjidhje politike të qëndrueshme”, ka shkruar Jens Stoltenberg në Twiter.
Spoke with @Avdullah about the importance of @NATO_KFOR in preserving security, and fighting COVID-19 in Kosovo. I welcome progress in the EU-sponsored Belgrade-Pristina dialogue as the only way to achieve a lasting political solution.
— Jens Stoltenberg (@jensstoltenberg) August 18, 2020
Në anën tjetër Kryeministri i Kosovës, Avdullah Hoti i ka kërkuar sekretarit të Përgjithshëm të NATO-s, Jens Stoltenberg, që Kosova të bëhet pjesë e NATO’s, shkruan Gazeta Metro.
Hoti vlerësoi edhe punën e Ekipit Këshillues dhe Ndërlidhës të NATO-s (NALT), që po jep ndihmesë të rëndësishme për avancimin e institucioneve të sigurisë së Kosovës.
Kryeministri Hoti e ka vlerësuar edhe ndihmën e KFOR-it për menaxhimin e pandemisë COVID-19.
Po ashtu, kryeministri Hoti theksoi se Republika e Kosovës është e përkushtuar ta ndërtojë të ardhmen e saj euroatlantike dhe të bëhet sa më parë pjesë e NATO-s dhe e institucioneve të tjera ndërkombëtare.