Lufta e fundit në Kosovës mes policisë kriminale serbe dhe shqiptarëve të Kosovës, ka bërë që kosovarët përveç vuajtjeve të përjetojnë edhe çaste gëzimi, si rastet e takimeve të familjarëve pasi ka përfunduar lufta, dhe kanë parë njëri- tjetrin që u kanë shpëtuar plumbave të serbëve, shkruan Gazeta Metro.
Në një fotografi nga lufta të publikuar ditëve të fundit nëpër rrjetet sociale shihet gëzimi i një vëllau dhe motrës, ku shohin njëri-tjetrin gjallë dhe shëndoshë e mirë.
Kjo fotografi është realizuar në Zonën Operative të Llapit, afërsisht nga data 17 qershor 1999. Ushtari sipas burimeve jo të konfimuara e ka mbiemrin Havolli.
Kujtojmë, që nëë këtë luftë u dëbuan 800,000 shqiptarë nga territoret e tyre, u vranë 15,000 persona, nga të cilët 2,400 luftëtar të UÇK-së e të tjerët qytetarë të thjeshtë.
Gjatë luftës janë zhdukur rreth 5,000 njerëz, fati i shumicës prej tyre është zbardhur deri në vitin 2007, por i madh ka mbetur numri i rasteve të pasqaruara.
