Gazetari boshnjak, Aleksander Brezar ka ironizuar me darkën në Beograd të kryeministrit shqiptar, Edi Rama me liderët serbë, Aleksander Vuçiq dhe Ana Bërnabiq si dhe kryeministrin malazez e zv/kryeministrin maqedonas.
Brezar në një postim në Twitter, është shprehur se “kjo ndejë s’ka kuptim nëse aty s’ka kënduar Daçiq”, shkruan lajmi.net.
- Advertisement -
“Nëse Daçiq nuk ka kënduar ‘Miljacka’ kjo ndejë nuk ia vlen”, ka shkruar Brezar.
Kujtojmë se fotoja e darkës është bërë publike në rrjetin social Instagram, ku presidenti Vuçiç shkruan me krenari për verën që u ka ofruar miqve nga Ballkani.
“Një mbrëmje e mrekullueshme në restorant “Salon 1905” me miq nga rajoni, Edi Rama, Zdravko Krivokapic dhe Nikola Dimitrov. Unë dhe Ana Brnabić u dhuruam mysafirëve tanë verëra të shkëlqyera serbe dhe guxuam t’i krahasonim me verërat shumë të mira franceze. Miqësia jonë është miqësi për të ardhmen e gjithë rajonit”, ka shkruar Vuçiq.