Telekom Srbija” ka dhënë ofertën më të lartë për të blerë “Ipkon’. Lidhur me këtë ka reaguar edhe kryetari i Prishtinës, Shpend Ahmeti, shkruan Gazeta Metro.
Ahmeti ka shkruar se Qeveria e Kosovës duhet që të deklarohet sa më parë në lidhje me këtë ofertë të “Telekom Srbije” për ta blerë “Ipkon”.
I pari i Prishtinës ka kujtuar kur para dy vitesh Banka Qendrore e Serbisë bllokoi blerjen e “Telenor Banka Srbije” nga shqiptari Elvin Guri.
Ai ka thënë se kompanisë “Telekom Srbije” as oferta nuk do duhej t’i lejohej, e lërë më blerja. Ahmeti ka ftuar “Ipkon” për sqarime dhe Qeverinë Hoti.
Postimi i plotë nga Ahmeti:
Hell no!
Telekom Srbija paska dhënë oferten më të lartë për ta blerë Ipkon. Më kujtohet kur para dy vitesh Banka Qendrore e Serbise bllokoi blerjen e Telenor Bankes në Serbi nga shqiptari Elvin Guri.
As oferta nuk do të duhej të lejohej.
Së pari njohja, por edhe në rast njohjeje, asetet e ndieshme duhet të jenë diskutim i sigurisë kombëtare.
Ipko duhet ta bëjë të qartë këtë sa më herët!
E Qeveria sa më shpejtë të deklarohet bashkë me ARC.