Presidenti rus Vladimir Putin është shfaqur sot në Moskë, pas shumë kohësh në publik dhe ka folur me dhjetëra mijëra rusë, të cilët ishin të vendosur brenda stadiumit Luzhiniki, në një aktivitet të organizuar në tetë vjetorin e aneksimit të Krimesë.
Por në një moment, në fund të fjalimit të Putinit, televizioni shtetëror papritmas ka shkëputur fjalën e tij dhe nisi të transmetonte këngë patriotike.
- Advertisement -
Putin përshëndeti përvjetorin e tetë të aneksimit rus të Krimesë, me thirrje dhe britma entuziazmi patriotik.
Por teksa ai po fliste, transmetimi u ndërpre duke u pasqyruar me imazhe të ndryshme.
Zëdhënësi i Kremlinit, Dmitry Peskov tha më pas se fjalimi u ndërpre për shkak të një “dështimi teknik në server”.
- Advertisement -
Ndërkohë Putin ka folur para rusëve duke ‘mohuar’ pushtimin e Ukrainës.