Sot bëhen 9 vjet kur Njësia Speciale e Policisë së Kosovës (ROSU) kishte ndërmarrë aksionin për t’i futur nën kontroll pikat kufitare në veri të Kosovës, Jarinjë dhe Bërnjak.
Por ROSU hasi në pengesat e serbëve në veri, ku gjatë këtij aksioni nga strukturat ilegale serbe ishte vrarë polici Enver Zymberi.
Me këtë rast, Presidenti i Kosovës, Hashim Thaçi tha se ky aksion siguroi përfundimisht bashkimin territorial të Republikës së Kosovës, shkruan IndeksOnlin.
Ndërsa, për heroin Zymberi tha se ai personifikon sakrificën dhe përpjekjet tona për ruajtjen e integritetit territorial të shtetit tonë.
“Aksioni i Njësisë Speciale të Policisë së Kosovës në veri, nëntë vjet më parë, siguroi përfundimisht bashkimin territorial të Republikës së Kosovës. Heroi i Kosovës, Enver Zymeri, personifikon sakrificën dhe përpjekjet tona për ruajtjen e integritetit territorial të shtetit tonë. 25 korriku është dita e bashkimit të Kosovës. HTH”, ka shkruar ai.