Presidenti i Kosovës, Hashim Thaçi, ka thënë se duhet të zbardhet çdo pretendim e akuzë për krime lufte.
Thaçi në adresimin e tij për media pas ngritjes së aktakuzës nga Gjykata Speciale për krime lufte tha se e njejta do të jetë dhe me të dhe Kadri Veselin, të cilin ai e ka quajtur “vëlla nga gjaku i luftës”.
“Është e drejtë që duhet të zbardhet çdo pretendim e çdo akuzë për krime lufte, prej kujtdo dhe kudo që ka ndodh. Bashkëluftëtarët e mi, me disa prej të cilëve paqja na ka ndarë shpesh në taborë tëndryshëm politikë, i kanë sfiduar me forcën e madhe të së vërtetës shumë fabrikime të ulëta dhe në fund pafajësia e tyre ka shkëlqyer mbi plehun e akuzave monstruoze.
Njëjtë do të jetë edhe me mua dhe me vëllain tim nga gjaku i luftës, Kadri Veseli”, ka thënë Thaçi.