Trajneri Halit Kurt i goditi me shuplakë lojtarët e skuadrës së tij të të rinjve e pastaj pretendoi se ai po e kopjonte me këtë veprim legjendën e Manchester Unitedit, Sir Alex Fergusonin.
Në një video skandaloze të publikuar online, trajneri Helit Kurt shihet duke ecur nëpër zhveshtoren e ekipit të të rinjve të klubit turk, Kayseri Myssuspor, përderisa e godiste secilin lojtar, transmeton Gazeta Express.
Ai u tha lojtarëve të tij të frikësuar pasi luajtën keq në pjesën e parë të një ndeshjeje: “Do të ju vras të gjithëve! Çfarë dështimi!”.
Amatör küme ekiplerinden Kayseri Meysuspor’un antrenörü Halil Kurt’un 3 yıl önce soyunma odasında genç futbolcuları dövdüğü ortaya çıktı.
TFF, videonun ortaya çıkmasından sonra Halil Kurt hakkında soruşturma başlattı pic.twitter.com/gcPikgI401
— Neden TT oldu? (@nedenttoldu) October 25, 2019
Ministria e Sportit e Turqisë është duke e hetuar këtë rast, përderisa Kurt është ende në pozitën e trajnerit të klubit, edhe tre vjet pas këtij incidenti. Megjithatë, videoja e këtij rasti është publikuar online vetëm së fundi.
Kurt insiston se goditja me shuplakë e lojtarëve të rinj ishte një praktikë normale në futboll, që ishte përdorur nga Sir Alex Fergusoni dhe trajneri turk Fatih Terim.
Ai beson se veprimet e tilla i motivojnë lojtarët për t’i fituar ndeshjet.
“Jo vetëm unë e përdori këtë metodë, ishte e përdorur shumë në gjeneratat e mëparshme. Të gjithë e dimë se Alex Fergusoni e goditi David Beckhamin. Fatih Terimin gjithashtu i godiste lojtarët kohë pas kohe”, ka thënë Kurt.
Ish-trajneri skocez i Manchester Unitedit e kishte qëlluar me këpucë Beckhamin në zhveshtore, mirëpo ai rast kishte qenë aksidental.