Ballkani, kampioni i SuperIigës së Kosovës për sezonin 2021/22, do të marrë pjesë në kuaIifikimet e Ligës së Kampionëve.
Për klubin do të jetë hera e parë që do të marrin pjesë në gara evropiane, si dhe ishte hera e parë që e fitoi titullin e kampionit.
“Portokallezinjtë” nesër do të mësojnë kundërshtarin për raundin e parë kualifikues, aty ku mund të takohen edhe me gjigantin suedez, Malmon.
Trajner te skuadra e Malmos është serbi, Milos Milojevic, i cili për mediumin suedez “Expressen” ka folur rreth çdo kundërshtari të mundshëm.
Milojevic për Ballkanin tha: “Nuk do të jetë plani më i mirë nëse do e kemi për kundërshtar dhe për këtë mund të garantojë. E di se si do të duket plani i Ballkanit. Do të jetë shumë vështirë dhe ata do të bëjnë të pamundurën për të na eIiminuar”.
Ndryshe, tërheqja e shortit për raundin e parë kualifikues në Ligën e Kampionëve do të bëhet nesër (14 qershor) nga ora 12:00.