“Turpi i deputetëve të LDK-së, turp”, Melihate Tërmkolli reagon pas bojkotit të fjalimit vjetor të presidentes

Zyrtarja e Lidhjes Demokratike të Kosovës, Melihate Tërmkolli, ka kritikuar deputetët e LDK’së, që bojkotuan fjalimin e sotëm të Presidentes së Kosovës, Vjosa Osmanit.

Tërmkolli i ka krahasuar deputetët e LDK’së që bojkotuan fjalimin, me ata të Vetëvendosjes, që dikur bojkotonin paraqitjen vjetore të ish-presidentit Hashim Thaçi.

“Turp i deputetëve të LDK-së! Njësoj si PDK dikur, e pastaj edhe VV kur bojkotonin paraqitjen vjetore të Presidentit në Kuvend! Ani kishe institucionalista! Turp!”, ka shkruar Tërmkolli në Facebook.