Kirurgët në Ukrainë kanë kryer një operacion tejet delikat, pasi i kanë hequr plumbin nga zemra një ushtari.
“Daily Mail” shkruan se në operacion e kryer në spitalin Feofaniy në Kiev, kanë marrë pjesë mjekë ukrainas dhe bjellorusë, të cilët arritën që të hiqnin plumbin.
- Advertisement -
Pamjet e pabesueshme të procedurës tregojnë se zemra e ushtarit pulsonte, ndërsa mjekët nxirrnin me kujdes plumbin nga zemra e ushtarit ukrainas. Ky i fundit është parë më vonë në këmbë, duke qëndruar pranë mjekëve që i shpëtuan jetën.
Madje thuhet se ai mbeti i “etur për të luftuar” kundër ushtrisë pushtuese ruse. Kjo arritje e mahnitshme e mjekëve vjen pasi Rusia përdori armët kimike në Mariupol.
Ushtarët ukrainas pretendojnë se u goditën nga një agjent i hedhur nga një dron, duke i lënë ata të paaftë për të marrë frymë dhe të trullosur.
- Advertisement -