Kreu i Lëvizjes Vetëvendosje, Albin Kurti është kujdesur që video mesazhin që ka publikuar sot ta nisë me një porosi për liderin e LDK-së, Isa Mustafën, me të cilin assesi nuk po mund të merren vesh për koalicion.
Kurti, derisa është shfaqur i vetëm në sallën ku zakonisht i kanë mbajtur takimet me Isa Mustafën, për të njëjtin e ka lënë një lëng molle, ujë dhe një karrige të zbrazët, si porosi që po e pret për takim.
- Advertisement -
Ka më shumë se tre muaj se takimet e gjata në Kuvend të Kosovës në mes të Kurtit dhe Mustafës po përfundojnë par rezultat.
Mustafa madje ka thënë se nuk kanë pse të takohen më nga tre orë e të mos dakordohen për marrëveshje.
Në anën tjetër LV-ja ua ka bërë të qartë se nuk e pranojnë ofertën e Lidhjes Demokratike, që nënkupton shkarkimin e kryeparlamentarit.