Që në momentin e parë, Iufta në Ukrainë dukej si një betejë jo e barabartë. Jo vetëm për shkak të teknologjisë dhe cilësisë së armëve, por edhe për shkak të “numrave”, pasi Rusia ka një ushtri të madhe që ia kalon fqinjëve të saj.
Për këtë arsye, presidenti Volodymyr Zelensky u bëri thirrje shtetasve të huaj që të luftojnë në krah të bashkatdhetarëve të tij. Ai tha se thirrjes së tij i janë përgjigjur gjithsej 16 mijë persona. Sipas mediave të huaja, disa prej tyre shkojnë atje për “arsye ideologjike”, disa se janë “tifozë të grupeve”, ndërsa disa të tjerë e bëjnë këtë për para.
Për të Iuftuar trupat e Vladimir Putinit, siç mund ta imagjinoni, rroga për dikë që nuk e ka problem të luajë me jetën e tij është shumë e mirë, pasi arrin në 60,000 dollarë në muaj. Pra, 2,000 dollarë në ditë.
Por kjo nuk do të thotë që çdokush mund të shkojë. “Kandidati” duhet të ketë:
Të paktën 5 vjet përvojë në operacione ushtarake.
Të ketë bërë stërvitje në kompanitë e zbulimit.
Njohuri për armët e përdorura nga vendet e ish-Bashkimit Sovjetik
Eksperiencë në biznes pa mbështetje.