Ministria e Shëndetësisë (MSH), ka informuar se sipas të dhënave nga Instituti Kombëtar i Shëndetësisë Publike të Kosovës, (IKSHPK), janë konfirmuar 7 raste pozitive me COVID-19 në 24 orët e fundit.
Në 24 orët e fundit janë dhënë 3.501 doza të vaksinës kundër COVID-19.
Prej fillimit të vaksinimit në të gjitha qytetet e Kosovës janë dhënë 152.643 doza të vaksinës.
Deri më sot 26.794 qytetarë janë vaksinuar me dozën e dytë.
Nga 1.224 testime, 7 qytetarë kanë rezultuar pozitiv me virusin COVID-19.
Gjatë 24 orëve të fundit, nuk është shënuar asnjë rast i vdekjes.
Sot janë shëruar 12 qytetarë, derisa numri i përgjithshëm i të shëruarve është 105.292.
Në total numri i rasteve aktive është 166.