Përfaqësuesja e femrave në futboll ka shënuar një fitore të madhe në udhëtim te Estonia, në ndeshjen e vlefshme të grupit A për kualifikimet e Kampionatit Evropian, transmeton zeri.info
Vashat kosovare triumfuan ndaj estonezeve me rezultatin 2:1. Ishte Estonia ajo që e filloi më mirë takimin, duke kaluar në epërsi në minutën e 22-të falë një penalltie, të cilën në gol e konvertoi Katrin Loo.
Sidoqoftë, “Dardanet” arritën që ta barazojnë rezultatin para përfundimit të pjesës së parë me anë të Modesta Ukës (42’), duke i mbyllur kështu 45 minutat e parë me shifrat 1:1.
Kosova e filloi furishëm pjesën e dytë dhe e gjeti shpejt golin e përmbysjes dhe të epërsisë, përsëri me anë të Ukës në minutën e 56-të, duke siguruar kështu fitoren e dytë pas tri ndeshjeve të zhvilluara në grupin A, derisa mban pozitën e katërt në tabelë.