Manchester City e ka konfirmuar vdekjen e ish-lojtarit të akademisë së vet, Jeremy Wisten, i cili ndërroi jetë të dielën në moshën 17-vjeçare.
Wisten, një mbrojtës premtues i lindur në Malavi por i rritur në Britani të Madhe, iu bashkua akademisë së City më 2016, para se të largohej nga klubi së fundmi.
Derisa shkaktari i vdekjes së tij ende nuk është bërë i ditur, City e ka nderuar atë përmes një komunikate për media të dielën mbrëma.
“Familja Manchester City e ka mësuar me trishtim lajmin për vdekjen e ish-lojtarit të akademisë, Jeremy Wisten. Ngushëllime të sinqerta familjes dhe miqve të tij. Bashkëndiejmë me ju në këtë kohë të vështirë për ju”, thuhet në komunikatën e City.
The Manchester City family are saddened to learn of the passing of former Academy player Jeremy Wisten. We send our deepest condolences to his friends and family. Our thoughts are with you at this difficult time.
— Manchester City (@ManCity) October 25, 2020
Një numër i lojtarëve seniorë të City e nderuan atë, përfshirë Raheem Sterling dhe Aymeric Laporte.
Cole Palmer, i cili ka qenë në akademinë e City që prej vitit 2010, e njihte Wistenin dhe e postoi këtë mesazh emocionues për t’i thënë lamtumirë atij në Instagram.
“Do të na mungosh përjetë. Pusho në Parajsë vëlla”, shkroi Palmer. /Gazeta Express/
View this post on Instagram
You Will Be Forever Missed ? Fly High My Brother ?❤️ Rest In Paradise! ?