Vdiq nga rrufeja, familjarët e 51-vjeçarit nga Peja thonë se ai ishte me bagëti në një fushë

Një burrë nga fshati Kusoriq të Pejës ka vdekur sonte rreth orës 19:25, pasi që është goditur nga rrufeja.

Lajmin për Gazetën Online “Reporteri.net” e ka konfirmuar, Driton Rugova, zëdhënës i PK-së për Rajonin e Pejës.

“Sot, rreth 19:25 një person është sjellë në Spitalin Rajonal në Pejë, i cili sipas ekipit mjekësor, është goditur nga rrufeja dhe nuk ka arritur të mbijetojë. Vdekjen e viktimës e ka konfirmuar ekipi mjekësor”, tha Rugova.

Ndërkaq, një familjar i viktimës ka thënë për Klan Kosovën se i ndjeri “ka qenë me bagëti në një fushë afër shtëpisë dhe është goditë nga rrufeja.

Viktima është rreth moshës 51-vjeçare.