Lëvizja Vetëvendosje ka vendosur që për kryetar të Komunës së Lipjanit të kandidojë deputeti Adnan Rrustemi.
Kjo është konfirmuar nga dega e Lëvizjes Vetëvendosje në Lipjan.
“Jemi të nderuar që kandidat për Kryetar të Lipjanit nga radhët e Lëvizjes VETËVENDOSJE! të jetë deputeti Adnan Rrustemi më të cilin me 17 tetor do t’i japim Lipjanit një kryetar të përgatitur e të përkushtuar”, njoftoi Vetëvendosje.
Vetëvendosje për kryetarë komunash ka zyrtarizuar edhe Agim Bahtirin në Mitrovicë dhe Arben Vitinë në Prishtinë.
Më poshë gjeni shkrimin e plotë:
ADNAN RRUSTEMI KANDIDAT PËR KRYRTAR TË KOMUNËS
Të nderuar qytetarë të komunës së Lipjanit, të dashur aktivistë e anëtarë të Lëvizjes VETËVENDOSJE!.
Ju njoftojmë se sot pas votimit të mbajtur nga strukturat e Qendrës, zgjodhëm kandidatin i cili do të na përfaqësoj në zgjedhjet lokale të 17 tetorit.
Jemi të nderuar që kandidat për Kryetar të Lipjanit nga radhët e Lëvizjes VETËVENDOSJE! të jetë deputeti Adnan Rrustemi më të cilin me 17 tetor do t’i japim Lipjanit një kryetar të përgatitur e të përkushtuar.
Na priftë e mbara!