Shefi i asamblistëve të Lëvizjes Vetëvendosje në Komunën e Prishtinës, Gëzim Sveçla, ka folur për largimin nga jeta publike të Arben Vitisë.
Ai tha se ish-ministri i Shëndetësisë, Arben Vitia është i angazhuar në organizimin e zgjedhjeve të brendshme në LVV.
- Advertisement -
Sveçla tha se Vitia po merret me punë të brendshme të Lëvizjes Vetëvendosje.
“Arben Vitia ka qenë gjithë kohën me neve. Është e vërtetë që është larguar pak nga kjo jeta publike. Është caktuar koordinator i qendrës së Prishtinës për zgjedhje – siç e dini Lëvizja Vetëvendosje ka filluar procesin e zgjedhjeve të brendshme – e ka formuar ekipin dhe këtë javë është takimi i parë i grupit të cilin e koordinon Z. Vitia”, tha Sveçla.
“Ai vazhdon të jetë anëtar i Kryesisë së Lëvizjes Vetëvendosje. Pa dyshim një ndër figurat kryesore të Lëvizjes”, shtoi ai në Frontal të T7.