Forcat Tokësore të Armatosura të Ukrainës janë tallur me Ramzan Kadyrov, liderin e Çeçenisë, i cili sundon republikën brenda Federatës Ruse, por mban edhe titullin e gjeneralmajorit në Gardën Kombëtare të Rusisë.
Forcat ukrainase kanë publikuar një video teksa fjalët e Kadyrovit shoqërohen me pamjet e tankeve dhe artileri tjetër ruse të shkatërruar në Ukrainë.
Së fundmi, Kadyrov i ka kërkuar presidentit rus Vladimir Putin që ta lëshojë të gjithë fuqinë ushtarake ruse në Ukrainë, për “ta mbyllur këtë çështje për një ose dy ditë.
Втрат немає, поранених теж! Навіть жодної подряпини!🤣🤣🤣 pic.twitter.com/M4xUjqcLis
— ВОЇНИ УКРАЇНИ🇺🇦 (@ArmedForcesUkr) March 7, 2022
Në një audiomesazh për Putinin, 45-vjeçari, të cilin presidenti rus e konsideron si djalin që nuk e pati kurrë, dëgjohet të thotë: “Shoku President, Shoku Komandat Suprem, e kam thënë shumë herë se jam shërbëtori juaj i përulur, jam gati të jap jetën për ju. Por nuk mund të shoh Iuftetaret e mi, Iufetaret tanë, duke vdekur. Po ju kërkoj me ngulm që të mbyllni sytë para gjithçkaje, dhe të na lejoni që ta përfundojmë këtë punë brenda një ose dy ditësh. Vetëm kjo do të mbrojë shtetin dhe popullin tonë, këtë e besoj fort”.
Mesazhi i tij publik është një shenjë e qartë që Rusia nuk e ka kapërdirë faktin që, kur ka kaluar më shumë se një javë nga nisja e pushtimit, nuk është marrë dot as Kyivi dhe as Kharkivi, dy qytetet më të mëdha të Ukrainës.
Iuftetarer çeçenë të Kadyrovit raportohet të jenë dërguar në Ukrainë për ta vrarë presidentin Zelenskiy, i cili thuhet se i ka mbijetuar disa atentateve që nga nisja e Iuftimeve.
Kadyrov, i cili në të shkuarën ka Iuftuar kundër dhe në krah të Rusisë në Iufterat në Çeçeni, njihet për brutalitetin dhe sundimin me dorë të hekurt në vendin e tij, ku mendohet se ka kryer edhe ekzekutime pa vendime gjykate.