Kandidati presidencial Aleksandar Vuçiq ka hyrë në studio nga frigoriferi në paraqitjen e fundit televizive para zgjedhjeve të 3 prillit në Serbi.
Duke “rikrijuar” një spot shumë humoristik që e pati gjatë fushatës së tij parazgjedhore, Vuçiq është “futur nga frigoriferi” në studion e televizionit të afërt me të “Pink TV”.
- Advertisement -
Vuçiq e ka konsideruar këtë si gjetje të tij gjatë fushatës. Në spotet e tij ai “hynte” në shtëpitë e njerëzve të thjeshtë nga frigoriferi për t’u treguar planprogramin e tij.
“U jam bërë bajat të gjithëve, sa që njerëzit po mendojnë se po dal nga frigoriferi”, tha Vuçiq.
Ai i dhuroi nikoqirit një kavanoz me kastraveca dhe ky mini-show u shoqërua me një ‘cover’ të një kënge fansash të klubit të Yllit të Kuq të Beogradit.
- Advertisement -
Vuçiq thotë se ka dëgjuar nga disa kryeministra se ata gjithmonë kanë pasur efekte më të mëdha nga puna e tyre në mandatin e dytë.