Vitia tregon kufizimet e radhës, paralajmëron ndërmarrjen e masave më rigoroze brenda dy ditëve

Ministri i Shëndetësisë, Arben Vitia ka paralajmëruar masa të reja më rigoroze për parandalimin e koronavirusit në Kosovë.

Ai ka njoftuar se masat e reja, do të hynë në fuqi sonte në orën 00:00, e të cilat fillimisht do të jenë të njëjta, pa ndryshime.

Vitia tha se masat dhe kufizimet e reja do të bëhen publike brenda dy ditëve, ndërsa deri atëherë do të vazhdohet me masa të njëjta siç janë aktualisht.

“Këto masa do të jenë në fuqi, e presim masat më rigoroze do të bëhen publike dhe do të hynë në fuqi brenda dy dite”.

“Mbrëmë pas disa bisedimeve me ekpertë të fushës, para pak minutash kanë ardhë rekomandimet e reja. Sonte vendimet do të merren në mënyrë prciare për të gjitha komunat, pastaj masat do të ndryshojnë”, deklaroi Vitia.