Në një takim që ka ndodhur sot në presidencë, presidentja e Kosovës, Vjosa Osmani ia ka kërkuar dorëheqjen kryetares së KQZ-së, Valdete Dakës
Mediat raportojnë se brenda takimit që u mbajt sot presidentja i ka kërkuar Dakës dorëheqjen nga pozita udhëheqëse në KQZ.
- Advertisement -
Gazeta Express thotë se ka kontaktuar përmes telefonit Dakën dhe këshilltarin e Vjosa Osmanit, Bekim Kupinën.
Asnjëri nga ta nuk është përgjigjur në pyetjet e Gazetës për të parë nëse ky informacion është i vërtetë.
Nuk dihen arsyet që kanë çuar deri te ky vendim i presidencës.
- Advertisement -
Këtë vit Kosova do të ketë në vjeshtë zgjedhjet lokale, derisa, mbledhjet e fundit në KQZ ka një kohë që po përcillen me tensione në mes të Dakës dhe Vetëvendosjes./Express/