Në orët e hershme të mëngjesit të sotëm ka ndodhur një incident i armatosur në një vendpunishtë në Lipjan, ku për pasojë ka humbur jetën një person.
“Gazeta Blic” merr vesh se viktima e këtij incidenti dhe autori, kanë qenë punonjës të një kompanie ndërtuese.
- Advertisement -
Që të dy, mbrëmë kishin punuar në ndërrim natës, nga kur edhe kishte nisur konflikti mes vete.
Dyshohet se dorasi e ka qëlluar me armë tashmë të ndjerin për motive banale pasi ky i fundit nuk e kishte lejuar ta voziste kamionin e punës.
I vrari A.S (emër i njohur për redaksinë) është baba i tetë fëmijëve nga fshati Gllanicë i Lipjanit.
- Advertisement -
Policia e Kosovës ka arrestuar dy persona dhe e ka konfiskuar një armë e cila dyshohet se është përdorur në kryerjen e veprës.