Presidenti serb, Aleksandar Vucic, ka njoftuar se është takuar me dy emisarët për dialogun Kosovë- Serbi, pas vizitës që ata po zhvillojnë në Beograd.
Lajcak dhe Palmer në vizitën që po zhvillojnë në Beograd, janë takuar me politikanët e këtij shteti, përfshirë presidentin serb Aleksandar Vucic.
Se janë takuar e ka konfirmuar edhe vetë Vucic përmes një postimi në Instagram, derisa tha se kishte një bisedë të mirë vetëm një ditë pasi i kritikoi ashpër ata, duke iu thënë se ‘’na keni mbështetur për muri e nuk shkon kështu.’’
”Bisedë e mirë me Përfaqësuesin Special të BE për Dialogun Beograd-Prishtinë dhe çështje të tjera rajonale në Ballkanin Perëndimor Miroslav Lajcak dhe Përfaqësuesin Special të Departamentit të Shtetit për Ballkanin Perëndimor Matthew Palmer” shkroi Vucic.
View this post on Instagram
Ai dje tha se nuk ishte dorëzuar në SHBA, në Shtëpinë e Bardhë para Donald Trump, pasi nuk nënshkroi pranimin e Kosovës, duke dërguar kështu porosi të drejtpërdrejtë për të dërguarin special për Ballkanin Perëndimor, Matthew Palmer.