Kontrolli rus i trafikut ajror ka informuar Beogradin se një avion Iuftarak i Aleancës po ndiqte një avion të Air Serbia jo shumë larg kufirit të Rusisë me Letoninë, tha presidenti serb.
Duke folur për aeroplanin në fluturimin Moskë-Beograd, Vuçiq tha se fluturimi u vonua me rreth 20 minuta dhe se kontrolli rus i fluturimit, jo larg kufirit rus me Letoninë e paralajmëroi avionin nga Serbia dhe u kërkoi atyre që të identifikonin vizualisht avionin.
“Aeroplani në fjalë. Ai ishte një Iuftëtar ushtarak. Ai i ngjante më së shumti një ‘fantom 15’ ose një ‘Eurofighter’ në gri. Me sa duket, ishte një nga avionët e NATO-s në zonën ajrore ruse që ishte vetëm një kilometër më poshtë dhe shërbimi rus për monitorimin e avionit, ajo na informoi në mënyrë korrekte se pranë nesh ishte një aeroplan tjetër dhe të kontrollojmë se cili është, sepse tani do ta gjuajnë atë aeroplan kur të ketë pasagjerë sipër”, tha Vuçiq per RTS.
Ai shtoi se, sipas raportit, avioni Iuftarak nuk e ka rrezikuar avionin nga Serbia dhe se është zhdukur relativisht shpejt.
Pilotët në raport janë shprehur se ndihen jo rehat dhe se në të ardhmen duhet të kenë parasysh fluturimet që kryhen me rrezikshmëri të lartë dhe në kushte Iufte.
Ai tha se Serbia do t’i kërkojë NATO-s informacion, por edhe informacion shtesë nga Rusia, shkruan RTS.
“Le të shohim se kush pretendon të jetë i zgjuar për të rrezikuar aviacionin civil dhe rrezikon civilët në një fluturim dhe çfarë pretendon të jetë i zgjuar. Ose ndoshta është një rastësi, por do të ishte mirë të na tregonim, sepse tani kemi koordinatat e sakta se ku është shfaqur avioni”, tha Vuçiq.
Ai ka shtuar se këtë e ka thënë për të treguar shkallën e presionit me të cilin po përballet Serbia.