Gazeta serbe “Danas” është vënë në shënjestër të pushtetit në Serbi pas raportimit për djalin e Aleksander Vuçiqit, Danilon. Danilo Vuçiq siç shkruan “Danas”, bashkë me një grup personash i kanë dhuruar një çantë me para (30 mijë euro), një makinë dhe një banesë një të dënuari për KRlME Iufte i cili ka vuajtur dënimin në Kroaci dhe pas lirimit është kthyer në Beograd.
Bëhet fjal për “Kapiten Draganin”, i cili në një konferencë për media e ka pranuar edhe vetë se Danilo ka qenë bashkë me delegacionin që e ka pritur pas daljes nga burgu dhe i kanë dhuruar një thes me para.
“Kur nuk e godasin dot Vuçiqin, përmendin djalin e tij. E takova Danilon kur më priti si pjesë e delegacionit pasi doli nga burgu trembëdhjetë vjeçar. Pastaj mora një thes me para, nuk e di nëse Danilo futi ndonjë gjë në të, ndoshta shumë pak. Ai po sulmohet sepse po priste heroin e tij”, ka thënë ai.
Ka qenë politikani serb dhe ministri Nebojsha Stefanoviq ai i cili ka drejtuar akuza ndaj “Danas”, duke thënë se gazetat në Serbi po e sulmojnë Danilon sepse duan rrëzimin e Vuçiqit dhe se po përgatitin grusht shteti.
“Ballina e të përditshmes “Danas”, në të cilën opozita dhe grupet e ndryshme të interesit po lajnë hesapet me djalin e presidentit Aleksandër Vuçiq – jo me presidentin, por me fëmijën e tij – është një turp dhe turp që e ka e gjithë Serbia”, ka thënë ministri serb i Mbrojtjes, Nebojsha Stefanoviq.
Derisa Vuçiq ka thënë se meqë s’po mund t’i gjejnë gabime, po ia sulmojnë djalin.
Dragan Vasiljkovic me nofkën “Kapiten Dragan” është dënuar përKRlME Iufte nga Gjykata e Splitit në Kroaci me 15 vjet burg. Vasilijkovic ishte lëshuar nga burug më 28 mars 2020.