Zëdhënësi i PDK-së, Faton Adullahu, ka thënë se kryeministri i Kosovës, Albin Kurti e ka të pamundur që të jetë i sinqertë.
Ai ka treguar disa arsye pse Kurti nuk është i sinqertë as ndaj qytetarëve si dhe ndaj vetes së tij.
“E kaluara e tij është bërë mjegull çorientuese në rrugëtimin e tij politik aktual, sidomos në përballje me Serbinë. Këtë nuk ja kemi borxh askush, më së paku votuesit e tij.” – ka shkruar ai ndër të tjera në Facebook.
Shkrimi i plotë:
Pse Kurti sot nuk është i sinqert ?
Kurti e ka të pamundur të jetë i sinqertë me të tjerët. Ai nuk po është i sinqertë, as me qytetarët, as opozitën, as me OJQ-të, as me t’vetit. Pse ? Sepse tash sa kohë e ka zënë veten në pushtet si rrenc në raport me veten e tij dje në opozitë. Ai sot nuk është i sinqertë as me veten e tij. Prandaj, sidomos në dialog me Serbinë, është me dy mendje, i pasaktë dhe konfuz, sepse nuk e ka të qartë kah të orientohet. E kaluara e tij është bërë mjegull çorientuese në rrugëtimin e tij politik aktual, sidomos në përballje me Serbinë. Këtë nuk ja kemi borxh askush, më së paku votuesit e tij.