Një aromë kimike ka mbetur në ajër mëngjesin e të dielës në Liviv, pasi një fabrikë nafte u dogj nga sulmet ruse.
- Advertisement -
Objekti u sulmua me raketa të shtunën, sulm ky që shkatërroi dy tanke dhe fabrikën e naftës, ndërsa zjarri u lokalizua nga zjarrfikësit ukrainas.
Një dëshmitar në vendin e ngjarjes tha se pa që objekti u sulmua me tri raketa, por asnjë person s’u lëndua, shkruan AP.
Livivi u trondit nga sulmet, qytet ky që është bërë strehë për rreth 200 mijë njerëz të cilët janë detyruar t’i lëshojnë vendbanimet e tyre në pjesë tjera të Ukrainës.
- Advertisement -
Qyteti kufitar me Poloninë ishte kursyer që nga fillimi i pushtimit rus, megjithëse më herët ka pasur sulme edhe në një objekt ku riparoheshin avionët pranë aeroportit kryesor të Livivit.