Kryeministri i Republikës së Kosovës, Albin Kurti në një intervistë me zë për revistën online “Monocle” ka folur për referendumin e mundshëm për bashkim me Shqipërinë.
Kurti tha se në të ardhmen do të votonte për bashkim me Shqipërinë vetëm nëse do të kishte një referendum paqësor dhe demokratik.
Lidhur me këtë deklaratë të kryeministrit Kurti kanë reaguar njohësi i çështjeve politike, Petrit Zogaj.
Ai tha se nga këto deklarata të kryeministrit Kurti,ai duhet me qenë mashtruesi i dy dekadave në politikën e Kosovës.
Statusi i plotë:
Nese ne Shqiperi referendumin do ta organizonte KM Rama, kush do te duhej me e be te njejten gje ne Kosove?
Nga kush pret Kurti qe ky referendum te organizohet, e qe ky pastaj te votonte per bashkim?
Nga ndonje organizate jo-qeveritare, apo nga institucionet qe ky person eshte pergjegjes?
A e din Kurti qe ai eshte njeri qe ka pergjegjesite me te medha ne shtetin e Kosoves?
Pastaj, si na qenka e mundur qe organizimi i nje referendumi, qe do te perfaqesonte shumicen e qytetareve te nje vendi, te mos behej ne menyre paqesore?
Cfare dredhie nxjerr ky kryeminister tash me “referendumin paqesor”, i cili ka themelu nje parti, ka ardhe ne pushtet me idene e bashkimit kombetar?
Nga keto qe Albini deklaron, ky duhet me qene mashtruesi i dy dekadave ne politiken e Kosoves”, shkroi Zogaj.