Zyrtari i Lidhjes Demokratike të Kosovës (LDK), Hatim Baxhaku ka akuzuar Lëvizjen Vetëvendosje për punësimin e njerëzve sikurse që punësonte PAN-i dikur.
Baxhaku përmes një postimi në Facebook ka thënë se nepotizmi partiak e familjar është një ‘Deja-Vu’.
“A po ju kujtohën frazat : ‘Prej medieve kam kuptuar se është punësuar/ emruar djali, daja, nipi, bashkëshortja/ i ,baxhanaku, ortaku apo militanti politik në ate pozit”; “ Ajo/ ai është vajza, djali, nipi, ortaku, militanti dhe zyrtari partiak por eshte ekspert dhe me pervoj dhe e meriton’; “ Nuk ka lidhje që i ka tre a kater te punesuar ne ate institucion apo organizat punuese publike sepse edhe ata duhet te punojne dhe janë aty me merita’
A ishte edhe me parë ne kohën e PAN-it kështu a po m’doket?!?!?!”, ka shkruar Baxhaku.
Ky reagim i tij erdhi pas raportimeve në media se nipi i Besnik Bislimit është propozuar për anëtar të KShC-së nga qeveria, në të cilën daja i tij ushtron pozitën e dytë më të rëndësishme dhe mbesa e Jahja Kokës është emëruar si Ushtruese e Detyrës së sekretarit të MASHT-it.