Trajneri i Werder Bremenit, Florian Kohfeldt ka lavdëruar tejmase Milot Rashicën dhe impaktin e tij në skuadër.
Anësori i Kombëtares së Kosovës shkroi historinë për klubin gjerman, pasi u bë futbollisti i parë që shënon në gjashtë ndeshje radhazi në kuadër të Kupës së Gjermanisë
Ai realizoi së fundmi në fitoren 3-2 të ëerderit kundër Borussia Dortmundit, duke e kualifikuar skuadrën e tij në çerekfinale të këtij kompeticioni.
Dhe, përfaqësuesi kosovar ka marrë lëvdata nga trajneri i tij.
“Ai thjeshtë godet nga çdo pozitë, shënon nga çdo pozitë. Miloti ka punuar gjithashtu në mënyrë të jashtëzakonshme në fazën defanzive”, ka thënë Kohfeldt, i cili nuk u ndal me kaq
“Rashica është rrezik për çdo mbrojtës dhe mbrojtje në Bundesligë”, vazhdoi ai.
Përndryshe, 23-vjeçari ka shënuar 10 gola dhe ka kontribuar me katër asistime në 19 paraqitje në Bundesligë dhe Kupë këtë fushatë.