Deputetja e Lëvizjes Vetëvendosje, Fitore Pacolli ka reaguar pas demantimit që Ministria e Punëve të Jashtme të Xhamajkës ka bërë për njohjen e pavarësisë së Kosovës.
Deputetja Pacolli ka thënë se nëse informatën e pavërtetë për njohjen e pavarësisë e ka dhënë ambasadorja në ShBA, Vlora Çitaku, ajo duhet të shkarkohet.
- Advertisement -
“Nuk kemi nevojë për Ambasadorë që shpërndajnë informata të pavërteta.Nëse vërtetë lajmi për njohje nga Xhamajka është i pavërtetë, Ambasadorja Çitaku duhet të shkarkohet menjëherë dhe t’i kërkohet llogari”, ka shkruar Pacolli në Facebook.
Kujtojmë se dje Presidenti Hashim Thaçi përmes Tëitterit njoftoi se Xhamajka e ka njohur pavarësinë e Kosovës.
- Advertisement -
Por ministrja e jashtme e Xhamajkës e ka demantuar këtë lajm duke thënë se deri tash Xhamajka nuk e ka njohur pavarësinë e Kosovës.