Mike Bloomberg kandidati demokrat për shtëpinë e bardhë në një deklaratë të pak minutave më parë njoftoi se po i jepte fund kandidaturës së tij për president. Ai deklaroi se do të mbështeste kandidatin Joe Biden për president të SHBA-ve.
Bloomberg shkroi:
“Unë gjithmonë kam besuar se mposhtja e Donald Trump fillon me bashkimin ndaj kandidatit që votohet më shumë. Pas votimit të djeshëm, është e qartë se kandidati është miku im dhe një amerikan i shkëlqyeshëm, Joe Biden.
Unë e kam njohur Xhoin për një kohë shumë të gjatë. Unë e di mirë sjelljen, ndershmërinë e tij dhe angazhimin e tij për çështjet që janë kaq të rëndësishme për vendin tonë – përfshirë sigurinë e armëve, kujdesin shëndetësor, ndryshimin e klimës dhe punët e mira.
Unë kam pasur rastin të punoj me Joe për ato çështje ndër vite, dhe Joe ka luftuar për njerëzit që punojnë. Sot jam i lumtur që do e mbështes- dhe do të punoj për ta bërë atë Presidentin e ardhshëm të Shteteve të Bashkuara”, shkruan Bloomberg.
Michael Bloomberg i dha fund fushatës së tij presidenciale të Mërkurën, duke mbyllur një garë të guximshëm gjatë të cilës ish-kryetari i bashkisë së Nju Jorkut harxhoi qindra miliona para për të financuar ofertën e tij.
“Para tre muajsh, unë hyra në garën për President për të mposhtur Donald Trump. Sot, unë jam duke e lënë garën për të njëjtën arsye: ta mposhtim Donald Trump – sepse është e qartë për mua që qëndrimi në të, do ta bënte më të vështirë arritjen e këtij qëllimi, “njoftoi Bloomberg në një email për mbështetësit e tij.
Bloomberg e la garën pas një shfaqje zhgënjyese të Martën. Ai mori vetëm një fitore të vetme: Samoan Amerikane.