Mërgimtari vjen me Lamborghini në Prishtinë dhe parkon në ‘zebra’

Një veturë Lamborghini me targa të Zvicrës është parkuar në mes të rrugës mbi vendkalimin për këmbësorë, në Prishtinë.

Dje në rrugën ‘Adrian Krasniqi’ është fotografuar një veturë Lamborghini e cila shihet se është parkuar në mënyrën më të keqe. Fotografia është bërë publike te ‘Vrojtuesit e lagjes-Prishtinë’ në Facebook.

Lamborghini me targa të kantonit St. Gallen që raportohet se është e një mërgimtarit, ka thyer rregullat e komunikacionit në Kosovë, por mësohet që nuk ka marrë asnjë gjobë.

Sipas Ligjit Nr. 05/L-088 për rregullat e trafikut rrugor, shoferi i cili parkon në vendin ku do ta rrezikonte sigurinë e pjesëmarrësve të tjerë në trafik ose do ta pengonte zhvillimin normal të qarkullimit të mjeteve dhe këmbësorëve, dënohet për kundërvajtje, me gjobë prej 30 eurosh.