Ardi Shita, pronar i dy bizneseve ka njoftuar se dje Ministria e Financave i ka përkrahur me dy subvencione në vlerë mbi 1 mijë euro, ani pse ai nuk aplikoi për një ndihmë të tillë.
Shita përmes një shkrimi në rrjetin social Facebook, tha se komisioni ka vendosur që bizneset e tyre t’i përkrah me dy subvencione në vlerë mbi 1 mijë euro, ndonëse thotë se nuk kanë aplikuar për ndihma të tilla.
Mirëpo ai thotë se këto para do t’i kthejnë mënjeherë në buxhet në momentin që dalin.
“Republika e Kosoves në minimum, na ka ofendu rëndë me këtë veprim, të cilin kështu ashtu nuk e kemi kërkuar asnjëherë. Biznesi NUK përkrahet me këso masa koti, mënyra me e mirë në fakt me përkrah biznesin është me na lënë të qetë me vepru. Këto subvencione koti, prej tatimeve tona, shpenzoni si gjithçka tjetër që e keni shpenzu deri sot. Na leni të qete ta zhvillojm sektorin privat, se sektorin publik e keni knaq ?”, ka shkruar Shita.
Kujtojmë se këto dy ditë qeveria ka nisur subvencionimin e disa bizneseve në vend, ku do të ndahen 290 për punëtorë./gazetametro.net