Laureta Berisha-Kosumi ka reaguar përmes një postimi në Facebook lidhur me rnjë recetë të mjekut.
Sipas saj në këtë recetë që ajo e ka publikuar në Facebook, mungojnë dy gjëra shumë të rëndësishme.
Ajo ka shprehur shqetësimin e saj në lidhje me përshkrimin e këtyre recetave, pasi thotë se nuk kërkojnë asnjë analizë bazike si fillim.
Postimi i plotë:
Çka mungon në këtë recetë?
Mungojnë dy gjëra shumë të rëndësishme:
1. Dozimi i drejtë nga ana e mjekut
Nuk mund të shkruhen format farmaceutike të lëngshme (në këtë rast shurup) 2 herë nga 1, çka të nënkuptohet me këtë 1, kur shurupet duhet dozuar me mililitër në bazë të peshës trupore(siç kam shkruar edhe më parë për këtë problematikë).
2. Përshkrimi i antibiotikëve nga mjeku i përgjithshëm, pa asnjë analizë bazike për përshkrimin e tyre.
E për rezistencën në antibiotikë kemi folur shumëherë dhe përshkrimi i tyre për infeksione virale, është tejet shqetësues.
E pyeta nënën se çfarë ka fëmija, tha se ka këtë “grip” dmth virus me rrjedhje hundësh dhe skuqje fyti!
Andaj, nuk është shqetësuese vetëm kërkesa e madhe për antibiotikë pa recetë, por edhe përshkrimi i madh i tyre nga ana e mjekëve, aq në tepër në kontrollat që bëjnë tek fëmijët, pa kërkuar asnjë analizë bazike.
Lus Zotin të vetëdijesohemi ndonjëherë!