Ministri i brendshëm i Serbisë Aleksandar Vulin është takuar sot me ambasadorin e Federatës Ruse në Beograd Alexander Botsan-Kharchenko.
Ai me këtë rast ka theksuar se Serbia është vendi i vetëm në Evropë i cili nuk ka vendosur sanksione kundër Federatës Ruse dhe nuk është bërë pjesë e “histerisë” anti-ruse.
“ Serbia kurrë nuk do të jetë pjesë e histerisë anti-ruse në të cilën po vidhet prona e qytetarëve rusë dhe prona e Federatës Ruse, ashtu si që nuk do të ndalojë mediat ruse, as nuk do të dëbojë fëmijët rusë nga shkollat dhe nuk do të fshijë gjuhën shkrimtarët dhe shkencëtarët rusë nga tekstet shkollore. Një civilizim i cili heqë dorë nga gjithçka që populli rus i ka dhënë botës do të ishte një qytetërim shumë i varfër. Ata të cilët e fshijnë Dostojevskin kurrë nuk kanë lexuar se bota vlen sa një lot i fëmijës, prandaj bëjnë thirrje për vrasjen e fëmijëve rusë”, ka pretenduar ministri serb i policisë në takimin me ambasadorin e Federatës Ruse në Beograd, pretendohet në kumtesën e MPB-së serbe.
Vulin gjithashtu ka theksuar se Serbia është një shtet i pavarur që i zgjedh vetë miqtë.
Serbia kurrë nuk do të harrojë që në vitin 2015, me veton e saj në Këshillin e Sigurimit, Federata Ruse, pas një marrëveshjeje mes dy presidentëve Vladimir Putin dhe Aleksandar Vuçiq, pengoi miratimin e rezolutës sipas së cilës populli serb do të shpallej popull i parë gjenocidal në historinë e botës”, ka thënë ministri serb i policisë Vullin gjatë bisedës me ambasadorin rus Botsan-Kharchenko.