Deputeti shqiptar në parlamentin serb, Shaip Kamberi, ka reaguar pas rezultatit të zgjedhjeve të 3 prillit atje, duke folur për vështirësitë që shqiptarët kanë hasur në procesin zgjedhor.
- Advertisement -
Ai njoftoi se Koalicioni i Shqiptarëve të Luginës’ i përbërë nga Partia për Veprim Demokratik bashkë me Partinë Demokratike dhe Lëvizjen e Progresit Demokratik ka grumbulluar gjithsej 9644 vota.
“Megjithë votat e marra ato akoma nuk janë garancë për të fituar një mandat”, shkroi Kamberi në Facebook, duke mos qenë as vetë i sigurt se a do të futet përsëri në parlament.
Shaip Kamberi i falenderoi votuesit shqiptarë, teksa po ashtu akuzoi Serbinë se ia vështirësoi punën atij duke i fshirë nga listat e votimit mbi 6 mijë shqiptarë.
- Advertisement -