“Administrata e Bidenit do të përdorë politikën e “karotës dhe shkopit” për ta detyruar Serbinë të njohë pavarësinë e Kosovës”

Drejtori i Qendrës për Paqe dhe Liri në Institutin e Pavarur të Uashingtonit, Ivan Eland, ka thënë se Administrata e Joseph Biden do të përdorë politikën e “karotës dhe shkopit” për të bërë që “Serbia të njeh pavarësinë e Kosovës”.

“Administrata e Bidenit do të përdorë politikën e “karotës dhe shkopit” për ta detyruar Serbinë të njohë pavarësinë e Kosovës. Me fjalë të tjera, që të dyja palët të respektojnë kufijtë dhe simbolet shtetërore dhe që Serbia të mos lobojë më që Kosova të përjashtohet nga organizatat ndërkombëtare, por nuk do ta njihte Kosovën si shtet”, tha Eland.

Ai thotë se Prishtina tashmë është pajtuar për formimin e Asociacionin e Komunave Serbe, pa kompetenca ekzekutive, “por vetëm pasi Beogradi të njohë pavarësinë e Kosovës, të cilën Serbia e refuzoi”.