Analistët Andi Bushati dhe Baton Haxhiu u përplasën në studion e emisionit Shock në Euronews Albania lidhur me vizitën e Vjosa Osmanit dhe Albin Kurtit në Mitrovicën e Veriut.
Sipas analistit Andi Bushati, shkelja përtej Ibrit bëhet për fushatë, duke qenë një veprim që e kanë bërë shumë liderë në Kosovë edhe në të shkuarën, por ajo që sipas tij e dallon Albin Kurtin nga liderët e tjerë në Kosovë është fakti se ai ka dhënë prova se nuk e ka shitur kufirin për të mbrojtur veten e vet.
“Nuk besoj se Kurti mund ta kthejë Mitrovicën e Veriut, por gjeja që kemi marrë garanci tani, që bën diferencën mes LVV dhe të tjerëve është se Kurti s’do ta kthejnë në pazar për të shpëtuar lëkurën e vet. Këtë Kurti s’e bën; për të shpëtuar kufirin ai ka shkuar në burg vetë”, tha z. Bushati.
Ndërkohë, sipas analistit Baton Haxhiu Albin Kurti dhe Vjosa Osmani në të vërtetë nuk kanë qenë në Veri, kanë qenë rrugës që ndan Veriun nga Jugu.
Sipas tij, Albin Kurti e bëri këtë për të plotësuar një kërkesë të votuesve të vet, por 20-30 të rinjtë që e ndalën më pankarta tregon se veriu i Kosovës formalisht është brenda hartave, por është i kontrolluar nga Serbia.