Koronavirusi nuk ka gjasa të përhapet përmes seksit, thonë shkencëtarët, por gjithashtu ata pranojnë se nuk mund të përjashtohet si mundësi. Një muaj më parë u analizuan mostrat e spermës së 34 burrave në Kinë që ishin diagnostikuar me simptoma të buta të COVID-19.
Shkencëtarët nuk gjetën ndonjë provë të virusit në spermën e tyre. Por ekspertët thanë se ata nuk mund të përjashtonin mundësinë që virusi mund të ishte në lëng seminal gjatë periudhës infektive.
Disa ekspertët kanë ngritur shqetësime se virusi mund të hyjë në testikuj, ku prodhohet sperma, e cila mund të shkaktojë ‘dëmtim afatgjatë’. Kjo teori bazohet në atë se si virusi futet në qeliza – përmes një receptori të quajtur ACE2, i cili është i pranishëm në qelizat në të gjithë trupin.
Por një ekip në Kinë, gjetën shumë pak prova që ACE2 është i pranishëm në indet testikulare.
Sidoqoftë, ata janë akoma të shqetësuar në lidhje me arsyen pse një e pesta e burrave të infektuar që morën pjesë në studim, kishin dhimbje të testikujve.Një lidhje midis virusit dhe dhimbjes së testikujve është raportuar edhe nga shkencëtarët ndërkombëtarë.
Pyetja e parë dhe më e rëndësishmja për studimin e fundit, botuar në Fertiliteti dhe Steriliteti, ishte: ‘A mund të përhapet virusi përmes spermës?’ Urologu Dr James Hotaling, bashkëautor i studimit, në Universitetin e Shëndetësisë në Utah, shprehet se gjetjet e tyre kanë treguar se kjo gjë nuk është e mundur.
Ai tha: “Nëse një sëmundje si COVID-19 do të transmetohej seksualisht, kjo do të kishte pasoja të mëdha për parandalimin e sëmundjes”.
Dhe Dr Hotaling paralajmëroi gjithashtu se nëse do transmetohet seksualisht, koronavirusi mund të ketë pasoja të rënda për shëndetin riprodhues afatgjatë tek njeriu.