Ambasadori i Britanisë së Madhe në Kosovë, Nicholas Abbott, ka thënë se është i kënaqur që vizita e emisarit të BE-së Miroslav Lajçak në Kosovë për dialogun me Serbinë, ka shkuar mirë.
Përmes një postimi në Facebook ai ka thënë se Britania e ndanë pikëpamjen e njëjtë me kandidatin për kryeministër, Albin Kurti, dhe Lajçakun se dialogu është i rëndësishëm dhe duhet të përgatitet mirë.
- Advertisement -
“Mbretëria e Bashkuar ndan pikëpamjen e tij dhe të Albin Kurtit se dialogu është i rëndësishëm dhe duhet të jetë i përgatitur mirë, parimor dhe i koordinuar midis BE-së dhe SHBA-së. Mbretëria e Bashkuar është e gatshme të mbështesë arritjen e një marrëveshje që mbështet njerëzit e Kosovës dhe rajonit”, ka shkruar ai.
Lajçaku ka qëndruar për vizitë treditore në Kosovë ku ka takuar të gjitha partitë dhe ushtruesen e detyrës së presidentes Vjosa Osmani dhe kanë folur për dialogun Kosovë-Serbi.