Publicisti Adriatik Kelmendi ka komentuar takimet ndërmjet ekipeve të Vetëvendosjes dhe të LDK-së.Ai kw theksuar se këto dy parti po krijojnë një standart të ri në politikbërjen kosovare, raporton Gazeta Blic.
“ Pesë takime ekspertësh për përafrim qëndrimesh në fusha të caktuara, ende pa u certifikuar rezultati zgjedhor, janë për çdo lëvdatë, duke pasur parasysh se deri më tash koalicionet janë bërë kryesisht duke u bazuar në poste.”, ka shkruar ai.
Shënimi i plotë:Përtej deklaratave në rrjete sociale, “Vetëvendosje!” dhe LDK tashmë kanë instaluar një mendësi të re në Kosovë sa i përket ndërtimit të programit dhe detyrave të një qeverie në ardhje.
Pesë takime ekspertësh për përafrim qëndrimesh në fusha të caktuara, ende pa u certifikuar rezultati zgjedhor, janë për çdo lëvdatë, duke pasur parasysh se deri më tash koalicionet janë bërë kryesisht duke u bazuar në poste.
Një fillim i mirë, i cili pavarësisht qeverisjes së ardhshme, ka vendosur standard të ri pozitiv në politikëbërjen kosovare.