Në gjendjen e rëndë në të cilën ndodhet Moska në frontin në Ukrainë, po i duket më lehtë të merret me çështje tjera, siç është situata në Ballkan.
Pas reagimit dy ditë më herët, sot përsëri ka reaguar zëdhënësja e ministrisë së jashtme ruse Maria Zaharova, kësaj radhe në urimin e Biden për ditën e shtetësisë së Serbisë, duke e quajtur “paturpësi dhe presion të hapur ndaj Serbisë” , shkruan “Nova” transmeton “Bota Sot”.
“Jo vetëm në këtë rast, kjo ajo që shpërthen, ajo që thuhet e nuk fshihet, ky është një nga elementet e presionit të hapur” ka thënë Zaharova.
Zaharova thekson se më nuk bëhet fjalë vetëm për presion, por tentim të formësimit të vendit.
“Jo vetëm presion, por kam përshtypjen se ShBA në lidhje me Serbinë kanë përzgjedh mënyrë tjetër të veprimit – ky nuk është presionin por përpjekje e formësimit të vendit në formën që atyre ju përgjigjet, -pra as sipas BE , ndonëse shpesh fshihen pas të ardhmes euro-atlantike” mendon ajo.
Zaharova deklaroi se “bëhet fjalë për secesionin e Kosovës dhe pranimin publik të Beogradit.
“Sipas mendimit tim është mënyrë e paturpshme që i ashtuquajturi presidenti i ShBA uron Serbinë, kjo thotë shumë. Nëse nuk kuptoni ende, lexoni këtë deklaratë përsëri”, tha Zaharova.
Gazeta përkujton se presidenti amerikan Biden ka uruar Serbinë për ditën e shtetësisë ku ndër tjera thekson se “së bashku duhet të vazhdojmë mbështetjen e popullit ukrainas dhe të thërrasim Rusinë në përgjegjësi për luftën e saj të padrejtë dhe të pa nxitur kundër Ukrainës“.
“Në këtë vit, ShBA do vazhdojnë të mbështesin Serbinë në bashkëngjitjen në BE dhe dialogun për normalizimin e raporteve me Kosovën në dialogun me ndërmjetësimin e BE-së. Mbështesim mbështetjen tuaj për propozimin evropian që do kontribuoj në prosperitetin dhe krijimin e paqes në rajon“, shkruan në urimin e Biden, duke shtuar se: „i gëzohem forcimit të mëtutjeshëm të partneritetit mes vendeve tona dhe miqësisë së popujve tanë”.